Foto: Reuters

Dunyo taraqqiyoti va Xitoy taraqqiyoti bir-biridan ajralmas, chunki Xitoy Xalq Respublikasi barcha mamlakatlar uchun katta imkoniyatlar yaratadi. Bu haqda Xitoy Komunistik partiyasining Markaziy qoʻmitasi bosh kotibi, Xitoy Xalq Respublikasi raisi Si Szinpin aytib oʻtdi.

“Xitoy taraqqiyoti dunyodan ajralmas, uning rivojlanishi uchun dunyo ham Xitoyga muhtoj. Xitoy islohotlarni har tomonlama chuqurlashtiradi, ochiqlikni kengaytiradi, sifatli rivojlanishni ragʻbatlantiradi va oʻzining taraqqiyoti orqali butun dunyo uchun koʻproq imkoniyatlar yaratadi”, dedi Xitoy rahbari.

Eslatib oʻtamiz, Xitoy Kommunistik partiyasi Markaziy qoʻmitasi Si Szinpinni uchinchi muddatga bosh kotib lavozimiga qayta saylandi. Ovoz berish Xitoy Kommunistik partiyasi 20-Markaziy qoʻmitasining birinchi plenumida boʻlib oʻtdi. Si Szinpin, shuningdek, uchinchi muddatga Xitoy Kommunistik partiyasi Markaziy qoʻmitasi Harbiy kengashi raisi etib tasdiqlandi.

Bundan tashqari, Xitoy Kommunistik partiyasi Markaziy qoʻmitasi Siyosiy byuro doimiy qoʻmitasining yangi tarkibini tasdiqladi. Undan yana yetti kishi, shu jumladan toʻrtta yangi aʼzo joy oldi.

Li Syan, Chjao Leszi, Van Xunin, Li Si, Say Si va Din Syuesyan qoʻmita aʼzolari boʻldi. Umuman olganda, Xitoy Kommunistik partiyasi Markaziy Qoʻmitasining yangi Siyosiy byurosi tarkibiga 24 kishi kirdi.