Oʻzbekiston Prezidenti Shavkat Mirziyoyev "Qashqadaryo elini yaxshi yashashga haqqi bor. Iqtisodiy barqarorlikka, bir soʻmni ikki soʻm qilsak qanday boʻladi?

Har bir xonadonda 20 sotix yer boʻlib kambagʻal yashash birorta dunyoda yoʻq, juda katta imkoniyat!", deya taʼkidladi 26-noyabr kungi Qashqadaryo viloyatini ijtimoiy-iqtisodiy rivojlantirish va aholi hayotini yaxshilash masalalari boʻyicha oʻtkazilgan videoselektor yigʻilishida.

Shuningdek, davlat rahbari yoshlar masalasiga ham alohida toʻxtalar ekan, ular uchun kichik iqtisodiy zonalar, loyihalar qilib berish lozimligini taʼkidladi.

“Qashqadaryoda 3 million 300 mingdan koʻp aholimiz sezishi kerak davlat rahbarini xavotiri, davlat rahbarini befarq emasligini, davlat rahbarini koʻmagini, endi borib joyida yotib sezdirishi kerak. Yo hozir, yo hech qachon! Juda katta nazoratga oladi. Xalq ishonishi kerak davlat borligiga. Ana shunday tizimda ishlaymiz”, dedi Prezident.