Keksa va nogironlarga davlat xizmatlarini koʻrsatish soddalashtiriladi

11:05 29 Yanvar 2022 Jamiyat
1214 0

Yangi Oʻzbekistonning taraqqiyot strategiyasi va uni “Inson qadrini ulugʻlash va faol mahalla yili”da amalga oshirishga oid Davlat dasturi tasdiqlandi. Unga koʻra, 2022-yilda:

Davlat xizmatlarini rivojlantirish maqsadida:

— hujjatlarni berish va almashtirishda, oʻzaro bogʻliq davlat xizmatlarini murojaatni kutmasdan taklif etish amaliyoti yoʻlga qoʻyiladi;

— “Fuqarolarning raqamli pasporti” loyihasi orqali tugʻilganlik toʻgʻrisida va haydovchilik guvohnomalari, shahodatnoma va diplom kabi hujjatlarni talab qilish bekor qilinadi;

— keksa va nogironlarga davlat xizmatlarini koʻrsatish soddalashtiriladi.

Qonun ustuvorligini taʼminlash doirasida:

— ijtimoiy himoyaga muhtoj fuqarolarga fuqarolik va maʼmuriy ishlar boʻyicha ham davlat hisobidan bepul yuridik yordam koʻrsatish tartibi joriy etiladi;

— qarori, harakati noqonuniy emasligini maʼmuriy sudda isbotlash majburiyati, uni qabul qilgan mansabdor shaxsning oʻziga yuklash tartibi joriy etiladi;

— harakatlanish erkinligi cheklangan shaxslarni hisobga olish boʻyicha yagona onlayn elektron reyestr yuritiladi.

Shuningdek, jazoni oʻtab boʻlgan fuqarolarga “dastlabki ijtimoiy-moddiy yordam paketi”ni berish joriy qilinadi.

Ushbu tizimda tadbirkorlik, meʼmorchilik, hunardmandchilik boʻyicha aniq loyihalari bor shaxslarga bir martalik moddiy yordam beriladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер