Kegeylida ijtimoiy himoyaga muhtoj 8 nafar yigit-qiz uyli boʻldi

13:17 27 Yanvar 2023 Jamiyat
589 0

Foto: Xalq so‘zi

Qoraqalpogʻiston Respublikasi Kegeyli tumanida 8 nafar yetim va ota-ona qaramogʻidan mahrum boʻlgan yoshlar uy-joy bilan taʼminlandi. Shu munosabat bilan oʻtkazilgan tantanali tadbirda soʻzga chiqqan jamoatchilik vakillari yoshlarga oid davlat siyosati samaradorligini oshirish yoʻlida olib borilayotgan ishlar xususida toʻxtalar ekan, moddiy-maʼnaviy koʻmakka muhtoj yigit-qizlarning boshini silash, ularga mustaqil hayotda va jamiyatda oʻz oʻrnini topishi uchun koʻmaklashishdek xalqimizga xos fazilatlar ijtimoiy islohotlarda oʻz ifodasini topayotganini qayd etdilar. Tadbirda Kegeyli tuman hokimi D. Utemuratov turar-joylar kalitini oʻz egalariga topshirdi.

— Oʻz uyiga ega boʻlgan, koʻzlari quvonchdan porlab turgan bu yoshlar davlatimiz eʼtibori va gʻamxoʻrligini yurakdan his qilmoqdalar, — deydi Kegeyli tuman hokimligi sektor boshligʻi Kamila Abdirazakova. — Prezidentimizning tegishli qarori ijrosini taʼminlash maqsadida tumanimizdagi uy-joy bilan taʼminlanishi zarur boʻlgan yetim va ota-ona qaramogʻidan mahrum boʻlgan yoshlar roʻyxati shakllantirildi. Shunga koʻra 8 nafar yigit-qizning har biriga ikkilamchi bozordan uylar xarid qilindi. Hokimlik tomonidan bu uylarda qulay sharoitda yashash uchun barcha imkoniyatlar yaratib berildi.

Gʻ. OTAJONOV, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер