“Kattaqoʻrgʻon” poligonida ilk marta 14.2 mm.li qurol sinovdan oʻtkazildi

13:15 08 May 2020 Jamiyat
467 0

Kecha Oʻzbekistondagi eng katta poligon — Markaziy harbiy okrugga qarashli “Kattaqoʻrgʻon” dala oʻquv maydonida harbiy xizmatchilar tomonidan ilk bor D-30 artilleriya stvoli ichiga oʻrnatilgan 14.2 mm.li quroli sinovdan oʻtkazildi. Bu haqda Markaziy harbiy okrug matbuot xizmati maʼlum qildi.

Odatda, D-30 artilleriya qurolidan 122 mm.li snaryad otiladi. Kattaqoʻrgʻon garnizoni harbiy xizmatchilari tomonidan bu galgi tungi va kunduzgi mashgʻulotlarida 14.2 mm.li qurol ham sinab koʻrildi. Ketma- ketlikda otilgan yonuvchi va zirhteshar oʻqlar nishonlarga toʻliq talafot yetkazdi.

Ushbu quroldan artilleriyachilar boʻlinmasiga yangi qabul qilingan yosh harbiy xizmatchilar foydalanishi koʻzda tutilgan. Yangi quroldan qisqa muddatda malaka oshirgan yosh artilleriyachilar 122 mm.li quroldan otishga qoʻyiladi.

Abdulaziz Yoʻldoshev

(Xalq soʻzi)

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?