Karmanada 44 nafar bolaning sunnat toʻyi oʻtkazildi

18:15 01 Aprel 2022 Jamiyat
710 0

Foto: Халқ сўзи

Navoiy viloyati Karmana tumani hokimligi tomonidan «Karmana avtotexxizmat» MCHJ yangi binosining ochilishi tantanalari doirasida 44 nafar bolaning sunnat toʻyi oʻtkazildi.

Tadbir avvalida soʻzga chiqqanlar bolakaylarning ota-onalarini qutlab, murgʻak qalblarga bolalikdan singdirilgan ezgulik bir umr xotiralarida qolishini taʼkidladi. Shundan soʻng har bir bolaga toʻn kiydirilib, toʻyona va sovgʻalar topshirildi.

Maʼlumot oʻrnida qayd etish joiz, «Karmana avtotexxizmat» MCHJ oʻtgan asrning saksoninchi yillarida faoliyat boshlagan korxona boʻlib, bino va texnologiyalari anchayin eskirgan edi. Avtomobillarga tashxis qoʻyishdan tortib texnik xizmat koʻrsatishgacha boʻlgan barcha jarayonning raqamlashtirilishi korxonaga qadim dovrugʻini qaytarsa, ajab emas. Darvoqe, yangi texnologiyalar tufayli xizmat koʻrsatish koʻlami ham kengayib, tadbirda 50 nafarga yaqin ustaga ishga qabul qilish sertifikati topshirildi.

Temur ESHBOYEV, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер