Italiyada yuz bergan koʻchki oqibatida oʻnlab odamlar bedarak yoʻqoldi

20:24 26 Noyabr 2022 Dunyo
478 0

Italiyaning Iskya orolida sodir boʻlgan kuchli koʻchki oqibatida kamida 13 kishi bedarak yoʻqolgan.

Maʼlum qilinishicha, 26-noyabr kuni ertalab Kazamichchola shahriga kuchli yomgʻir sabab koʻchki yuz bergan.

Ayni damda shaharda qutqaruv guruhlari ishlamoqda. Iskya meri Enso Ferrandino orolda sodir boʻlgan voqeani fojia deb atadi.

Orolning yana bir shahri Lakko-Amenoda ham jiddiy vaziyat mavjud. U yerda, mahalliy hokimiyat maʼlumotlariga koʻra, loy oqimlari oʻnga yaqin binoni vayron qilgan, 20-30 kishi oʻz uyida qamalib qolgan.

Manbaga koʻra, Italiya bosh vaziri Jorja Meloni tabiiy ofatdan aziyat chekkan mintaqadagi rasmiylar bilan doimiy aloqada boʻlib turibdi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?