Istanbul markazida yuz bergan portlash oqibatida olti kishi halok boʻldi, oʻnlab kishilar yaralandi

21:06 13 Noyabr 2022 Dunyo
537 0

Foto: Ijtimoiy tarmoqlar

Istanbul markazidagi Istiqlol koʻchasida yuz bergan portlash oqibatida olti kishi halok boʻlgan, 53 kishi tan jarohati olgan.

Dastlabki maʼlumotlarga koʻra, portlovchi qurilma terrorchi tomonidan harakatga keltirgan. 

Turkiya prezidenti Rejep Tayyib Erdogʻan Istanbul markazida yakshanba kuni sodir boʻlgan hujumni qoralab, Taqsim maydoni yaqinidagi portlashda olti kishi halok boʻlgani, oʻnlab odamlar yaralanganini aytdi.

“Davlatimizning tegishli boʻlinmalari ushbu dahshatli hujum uchun javobgarlarni topish ustida ishlamoqda”, dedi Erdogʻan Turkiya telekanallari orqali jonli efirda boʻlib oʻtgan matbuot anjumanida.

Istanbul gubernatori Ali Erliqoya ham portlash oqibatida olti kishi halok boʻlganini va 53 kishi yaralanganini maʼlum qildi. Uning soʻzlariga koʻra, portlash mahalliy vaqt bilan 16:20 atrofida sodir boʻlgan.

Ijtimoiy tarmoqda tarqalgan videolarda portlash vaqtida koʻcha odamlar bilan gavjum boʻlgani aks etgan. Istanbul prokuraturasi hodisani terrorchilik akti sifatida baholadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?