Ikki nafar taekvondochimiz Tokio Olimpiadasiga yoʻllanmani qoʻlga kiritdi

22:37 21 May 2021 Sport
1105 0

Shu kunlarda Iordaniya poytaxti Amman shahrida osiyolik taekvondochilar uchun Tokio Olimpiadasi yoʻllanmalari uchun litsenzion turnir boʻlib oʻtmoqda. 

Quvonarli jihati, musobaqaning dastlabki kunlarida ikki nafar hamyurtimiz Olimpiada yoʻllanmalarini qoʻlga kiritdi. 

Jumladan, -68 kg vazn toifasida musobaqada qatnashayotgan 19 yoshli sportchimiz Ulugʻbek Rashitov bellashuvlar davomida moʻgʻulistonlik Natsagdoroj Achitkxuu, filippinlik Arven Alkantara, qozogʻistonlik Qayrat Sarimsaqov magʻlubiyatga uchratib, Olimpiada yoʻllanmasini qoʻlga kiritdi.

Ushbu musobaqada -67 kg. vazn toifasida bahslarda qatnashgan Nigora Tursunqulova hal qiluvchi bellashuvda qatarlik Maram Fatnassini magʻlub etib, Olimpiada yoʻllanmasiga ega boʻldi. Shu tariqa Nigora Tursunqulova oʻz professional faoliyati davomida ikkinchi marta Olimpiadada qatnashadigan boʻldi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?