Ichki ishlar vazirligi akademik litseylari hamda “Temurbeklar maktabi” va “Yosh chegarachilar” harbiy-akademik litseylariga oʻqishga qabul qilish boʻyicha test sinovlari 2021-yil 18-avgust kuni 1-smenada boʻlib oʻtadi va 07:00 da boshlanadi.

Test sinovlari respublika boʻyicha quyidagi ochiq maydonlarda oʻtkaziladi:

• Qoraqalpogʻiston Respublikasi – “Turon” markaziy stadioni;
• Andijon viloyati – Sportning oʻyin turlari va yengil atletikaga ixtisoslashtirilgan bolalar-oʻsmirlar sport maktabi stadioni (3-sektor);
• Namangan viloyati – 17-bolalar-oʻsmirlar sport maktabi “Navbahor-umid” stadioni;
• Fargʻona viloyati – Fargʻona davlat universiteti stadioni;
• Buxoro viloyati – “Dilkusho” tennis sport majmuasi;
• Xorazm viloyati – Futbol akademiyasi qoshidagi “Xorazm” sport majmuasi (1-sektor);
• Surxondaryo viloyati – Termiz ixtisoslashtirilgan olimpiya zaxiralari maktab-internati futbol maydoni;
• Qashqadaryo viloyati – “Nasaf” futbol klubi mashgʻulotlar maydoni (2-sektor);
• Jizzax viloyati – “Soʻgʻdiyona” markaziy oʻyingohi futbol maydoni (1-sektor);
• Navoiy viloyati – “Kimyogar” oʻyingohi;
• Sirdaryo viloyati – Guliston markaziy oʻyingohi (1-sektor);
• Samarqand viloyati – Lokomativ markaziy jismoniy tarbiya sport klubi Samarqand filiali futbol stadioni (1-sektor), Samarqand shahar 2-son bolalar va oʻsmirlar sport maktabi futbol maydoni;
• Toshkent shahri – Botanika bogʻi (1-2-3-sektorlar).

Talabgorlardan test sinovi oʻtkaziladigan hududga shaxsini tasdiqlovchi hujjat va test sinovida ishtirok etish uchun ruxsatnoma bilan 06:30 dan kechikmagan holda kelishlari soʻraladi.

Test sinovida ishtirok etish uchun ruxsatnoma talabgor hujjat topshirgan taʼlim muassasasi tomonidan tarqatiladi.