I MDH oʻyinlari: hozircha Oʻzbekiston hisobida 57 ta medal bor va 2-oʻrinda ketmoqda

21:09 07 Sentyabr 2021 Sport
985 0

Rossiya Federatsiyasining Qozon shahrida davom etayotgan I MDH oʻyinlari oʻzining hal qiluvchi pallasiga kirib ulgurdi. Ayni paytda vakillarimiz jami 57 ta medal jamgʻargan holda umumjamoa hisobida 2-oʻrinni egallab turishibdi. Bu haqda Turizm va sport vazirligi xabar berdi.

Vakillarimiz hisobida 16 ta oltin, 23 ta kumush va 18 ta bronza medali mavjud. Musobaqada rossiyaliklar katta farq bilan yetakchilik qilishmoqda. Ular hisobida 61 ta oltin, 18 tadan kumush va bronza medallari mavjud. Kuchli uchlikka 9 ta oltin, 6 ta kumush va 15 ta bronza medaliga ega Ozarbayjon yakun yasab beradi.

Shuningdek, Qozogʻiston, Qirgʻiziston va Belarus vakillari ham oltin medal jamgʻarishgan. Tojikiston, Armaniston va Moldova vakillari hisobida esa bironta ham oltin medal yoʻq.

Musobaqalar davom etmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?