Hududlarni suv bilan taʼminlash koʻlami ortdi

12:32 17 Noyabr 2020 Jamiyat
185 0

Garchi mamlakatimizda kuz-qish mavsumi hukm surayotgan boʻlsa-da, aholi farovonligini oshirish maqsadida olib borilayotgan ishlar bir soniya ham eʼtibordan chetda qolgani yoʻq. Jumladan, Xoʻjaobod tumanidagi “Andijon” MFYda aholini toza ichimlik suvi bilan taʼminlash ishlariga yakun yasaldi.

— Buning uchun mahalla boʻylab yangi suv tarmogʻini tortish, 4 ta koʻchadagi tarmoqni asosiy tarmoqqa ulash va suv qudugʻiga yangi nasos oʻrnatish ishlari olib borildi, — deydi “Andijon suv taʼminoti” MCHJ tuman boʻlimining rahbari Baxtiyorjon Komilov.

Olib borilgan ishlar natijasida mahalladagi 110 ta xonadonda istiqomat qiluvchi 400 nafar aholining toza ichimlik suviga boʻlgan ehtiyoji qondirildi.

Saminjon HUSANOV,
“Xalq soʻzi”

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?