Avvalroq, “Tashkent city“dagi Congress Hall majmuasida "Toshkent yoshlar forumi — 2020” oʻtkazilayotgani haqida xabar bergan edik.

Unda turli soha vakillari yoshlar bilan uchrashdi va savollarga javob berdi. Xususan, taniqli aktyor Alisher Uzoqov nega kinolarda kamnamo ekanligini izohladi.

«Aktyor rol tanlay olishni bilishi kerak. Hozirgi seriallardan deyarli har 2-3 kunda taklif keladi. Agar men oʻshalarda suratga tushsam meni yomon koʻrib qolasizlar, shu taraflari ham bor. 

Yaqinda shunaqa narsa boʻldiki, “Jaloliddin Manguberdi” serialiga bordim, kastingdan ham oʻtdim. Oʻrgandim, lekin ssenariyda menga taklif qilingan rol yoqmadi. Boʻlmasa turkiy serial, turk aktyor, aktrisalari, katta paveleon, katta kamera suratga tushsam boʻlardi, lekin rol yoqmadi, rosti. 

Kasbga nisbatan hurmatim baland, yaxshi koʻraman, shuning uchun tanlab-tanlab tushaman. Toʻgʻri kamayib ketdi. Yaxshi filmlarga kam takliflar olyapman. Shuning uchun majbur odam, xohlasam har kuni meni meni seriallarda, kinolarda koʻrishingiz ham mumkin, lekin keyin menga boʻlgan munosabatingiz oʻzgarib qoladi», deya oʻz muxlislariga murojaat qildi Alisher Uzoqov.

Inobat AHATOVA,

"Xalq so'zi"