Foto: Халқ сўзи

Fargʻona viloyati Uchkoʻprik tumaniga qarashli “Uchkoʻprik” mahalla fuqarolar yigʻinida ish boshlagan hokim yordamchisi Dilshod Daliyev hududdagi Shodlik mavzesi aholisini bir necha yildan buyon qiynab kelayotgan muammo boʻyicha viloyat rahbari Xayrullo Bozorovga murojaat qildi.

Gap shandaki, bu hududdagi ikki qavatli uyda yashovchi oilalar uyning yertoʻla qismida suv toʻplanib qolishidan koʻp yillar davomida aziyat chekib kelayotgan edi. Boisi ushbu koʻp qavatli uylarning yonidan oqib oʻtuvchi anhor bir necha yillardan buyon tozalanmagan, maxsus texnikalar yordamida tozalash uchun esa uning atrofiga noqonuniy uylar qurib olingani toʻsqinlik qilayotgandi.

Viloyat hokimi noqonuniy qurilgan uylarni buzish, xonadon egalari roziligi bilan daraxtlarni kesish, anhorni kovlab zaxni ketkazish boʻyicha soha masʼullariga topshiriq berdi. Shuningdek, maʼnan eskirgan uylar oʻrnida 5-7 qavatli koʻp qavatli uylar qurish, xonadon egalarini rozi qilgan holda tez fursatda qurilish ishlariga kirishish boʻyicha kelishib olindi.

Botir Madiyorov, “Xalq soʻzi”.