Hindistonda koronavirusga qarshi noodatiy vaksina ustida ish olib borilmoqda

15:59 17 Noyabr 2020 Dunyo
227 0

Hindistonning “Bharat Biotech” biotexnika kompaniyasi burun orqali organizmga kiritiladigan SARS-CoV-2 koronavirusiga qarshi ikkinchi vaksinani yaratish bilan shugʻullanmoqda.

Kompaniyaning boshqaruv kengashi raisi hamda bosh direktori Krishna Ellaning taʼkidlashicha, yangi vaksina uchun shpris va ignalar talab qilinmaydi.

Avvalroq “Bharat Biotech” kompaniyasi “Covaxin” vaksinasini yaratish boʻyicha tadqiqotlarning uchinchi bosqichi boshlanganligini maʼlum qilgan, biroq kompaniya direktori natijalar uni qoniqtirmaganligini aytgandi. Chunki ushbu preparat ikki marta inyeksiya qilishni talab qiladi.

“Agar biz 1,3 milliard kishini ikki dozali vaksina bilan emlashimiz kerak boʻlsa, unda bizga 2,6 milliard shpris va igna ham zarur boʻladi”, - deb xulosa qilgandi Ella.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?