“Havotogʻ”da sogʻlomlashtirish markazi ish boshladi

20:56 05 Dekabr 2022 Jamiyat
370 0

Foto: Xalq so‘zi

Jizzax viloyati Yangiobod tumani “Havotogʻ” mahalla fuqarolar yigʻini hududida 82 oʻringa moʻljallangan mehmonxona va sogʻlomlashtirish markazi qurilib foydalanishga topshirildi.

— Tadbirkorlarga berilayotgan imkoniyatlardan unumli foydalanib yurtimizning eng chekka qishloqlarida ham mana shunday soʻlim maskanlar barpo qilinayotgani turizm sohasini rivojlantirishda muhim ahamiyat kasb etmoqda,— deydi “Hayr Havotogʼ» masʼuliyati cheklangan jamiyat rahbari, tadbirkor Muhammadxayrullo Qayumjonov. — Havotogʻning jozibadorligi, havoning musaffoligi, bu yerdan tabiiy holda chiqadigan maʼdanli suvning shifobaxshligi mana shunday zamonaviy markazni ochishga undadi. Shu orqali 50 ta ish oʻrni yaratildi.

Markazning taqdimot marosimi ishtirokchilari bu yerda amalga oshiriladigan yangi loyiha bilan ham tanishtirildi. Gap shundaki, 2023-yilning boshida “Hayr Havotogʼ» MCHJ tomonidan loyiha qiymati 1,5 million AQSH dollarlik mineral suv ishlab chiqarish zavodi qurilishi boshlanadi. Loyiha quvvati oyiga bir va yarim litrlik 180 ming dona shifobaxsh mineral suv ishlab chiqarishni oʻz ichiga oladi.

Tolibjon ERGASHEV, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер