Hamkorlikning istiqbolli yoʻnalishlari muhokama etildi

16:54 05 Oktyabr 2022 Siyosat
652 0

2022-yil 5-oktyabr kuni Oliy Majlis Qonunchilik palatasi Spikerining birinchi oʻrinbosari A.Saidov Italiya Respublikasining Oʻzbekistondagi Favqulodda va Muxtor elchisi A. Pinna bilan uchrashdi.

Muloqotda Oʻzbekiston Respublikasi Oliy Majlisi va Italiya parlamenti deputatlar palatasi oʻrtasidagi oʻzaro hamkorlik aloqalarining istiqbolli yoʻnalishlari muhokama etildi.

Jumladan, Oʻzbekiston Respublikasida olib borilayotgan keng koʻlamli konstitutsiyaviy islohotlarning mazmun-mohiyatidan kelib chiqib, ikki mamlakat parlamentlari oʻrtasida qonun ijodkorligi va boshqa sohalarda oʻzaro tajriba almashinuvini faollashtirish aloqalarni yangi bosqichga olib chiqishiga xizmat qilishi taʼkidlandi.

Oʻz navbatida, mehmon Oʻzbekiston Respublikasi Prezidenti Shavkat Mirziyoyev rahbarligida mamlakatimizda amalga oshirilayotgan keng koʻlamli konstitutsiyaviy islohotlar natijasida oʻtkazilishi rejalashtirilayotgan referendumga tayyorgarlik muvaffaqiyatli olib borilayotganligi yuksak eʼtirof etdi.

Uchrashuv samimiy va konstruktiv ruhda oʻtdi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?