Germaniyaga yangi kansler tayinlandi

01:14 25 Noyabr 2021 Dunyo
699 0

Germaniyaning uchta partiyasi — Germaniya sotsial-demokratik partiyasi, “Yashillar” va “Erkin demokratlar” koalitsiya tuzishga kelishib oldilar. Bu haqda Deutsche Welleʻga tayanib, Meduza xabar bermoqda.

Germaniya sotsial-demokratik partiyasi aʼzosi Olaf Shols yangi kansler etib tayinlandi. Uning saylanish jarayoni taxminan ikki hafta ichida, eng kech 8-dekabrda boʻlib oʻtishi kutilmoqda.

Der Spiegel nashrining yozishicha, kanslerlikka nomzodlardan biri boʻlgan “Yashillar” hamraisi Annalena Berbok tashqi ishlar vaziri lavozimini egallaydi.

Erkin demokratlar rahbari Kristian Lindner esa moliya vaziri boʻlishi kutilmoqda.

63 yoshli Olaf Shols soʻnggi uch yil davomida Angela Merkel hukumatida kansler oʻrinbosari va moliya vaziri lavozimlarida ishlagan.

Germaniyada saylovlar 26-sentyabr kuni boʻlib oʻtdi. SPD, Yashillar va Erkin demokratlar oʻrtasidagi koalitsiya muzokaralari oktyabr oyi oxiridan beri oʻtkazilmoqda.

Merkel vakili boʻlgan XDI/XII bloki 2005-yildan beri birinchi marta hukmron koalitsiyaga kirmadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?