Amerikaning “General Motors” avtomobilsozlik konserni nosoz xavfsizlik yostiqchalari bois 6 millionga yaqin transport vositasini qaytarib olmoqda. Ular Yaponiyaning “Takata” firmasi tomonidan ishlab chiqarilgan va konsernga yetkazib berilgan.

Tegishli bayonot avtokonsern veb-saytida eʼlon qilindi.

Kompaniya tomonidan taʼkidlanishicha, bu talab AQSH transport vazirligi huzuridagi Milliy yoʻl harakati xavfsizligi boshqarmasi tomonidan qoʻyilgan.

"Ilmiy maʼlumotlar hamda tekshiruvlar natijalariga asoslanib, avtomashinalarni qaytarib olishni zarur deb hisoblamasakda, NHTSA (Milliy yoʻl harakati xavfsizligi boshqarmasi) ushbu mashinalardagi xavfsizlik yostiqlarini almashtirishimizni talab qildi", deyiladi bayonotda.

“General Motors” boshqarma xulosalariga norozi emasligini bildirgan.

“Biroq kompaniya NHTSA qarorini bajaradi va kerakli choralarni koʻradi”, deyiladi bayonotda.

Manbaga koʻra, bunday kamchiliklar quyidagi rusumlarda aniqlangan: 

• Chevrolet Silverado HD (2007–2008-yillarda ishlab chiqarilgan).
• GMC Sierra HD (2007–2008 yillarda ishlab chiqarilgan).
• Pontiac Vibe (2003–2010 yillarda ishlab chiqarilgan).
• Saturn Astra (2008–2009 yillarda ishlab chiqarilgan).
• Saab 9-2X (2005–2006 yillarda ishlab chiqarilgan).
• Saab 9-3 (2006–2011 yillarda ishlab chiqarilgan).
• Saab 9-5 (2006–2009 yillarda ishlab chiqarilgan).