Furqat Sidikov Italiyaning Oʻzbekistondagi Favqulodda va muxtor elchisi Agostino Pinna bilan uchrashuv oʻtkazdi

21:02 01 Dekabr 2022 Siyosat
360 0

2022-yil 1-dekabr kuni Tashqi ishlar vazirining birinchi oʻrinbosari Furqat Sidikov Italiyaning Oʻzbekistondagi Favqulodda va muxtor elchisi Agostino Pinna bilan uchrashuv oʻtkazdi.

Savdo-iqtisodiy sohadagi Oʻzbekiston-Italiya hamkorligining amaliy jihatlari hamda ikki mamlakat oʻrtasidagi iqtisodiy diplomatiyani chuqurlashtirish, uning barcha mumkin boʻlgan vositalaridan foydalangan holda muhokama qilindi.

Savdoni rivojlantirish, eksport hajmini oshirish va investitsiyaviy hamkorlikning yangi yoʻllari va imkoniyatlarini izlash boʻyicha ikki tomonlama saʼy-harakatlarning ahamiyati qayd etildi. Elchi oʻzbekistonlik hamkorlar bilan biznes aloqalarini oʻrnatish boʻyicha Italiya biznesining qiziqishi ortib borayotganini maʼlum qildi.

Oʻzbek mahsulotlarini Italiyaga eksport qilish hajmini oshirish uchun, birinchi navbatda, GSP+ Yevropa Ittifoqi preferensiyalari tizimi doirasida tovarlarni sertifikatlash va standartlashtirish, Oʻzbekistonda sanoat tarmoqlari uchun kadrlar tayyorlash sohasida malaka oshirish va tajriba almashish uchun italiyalik mutaxassislarni jalb qilish boʻyicha hamkorlikni kuchaytirish zarurligi taʼkidlandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер