Fransiya taraqqiyot agentligi xalqaro konsultantlari – Namanganda

13:03 29 Noyabr 2022 Jamiyat
269 0

Foto: Xalq so‘zi

Xabaringiz bor, Prezidentimiz shu yilning 21-22-noyabr kunlari rasmiy tashrif bilan Fransiya davlatida boʻldi va oliy darajadagi ikki tomonlama muzokaralar, ushbu mamlakatning yetakchi kompaniya va banklari rahbarlari ishtirokida ishbilarmonlik tadbirlari oʻtkazildi. Xususan, davlatimiz rahbari Parij shahrida Fransiya taraqqiyot agentligi bosh direktori Remi Riuni qabul qilib, Oʻzbekiston va ushbu agentlik oʻrtasidagi hamkorlikni yanada kengaytirish, yangi istiqbolli loyihalar bilan boyitish masalalari koʻrib chiqildi.

Eʼtiborlisi, mazkur tashrif natijalari Namangan viloyatida ham oʻzining dastlabki amaliy ifodasini namoyon eta boshladi.

Kuni kecha Namangan viloyat hokimi Shavkat Aburazzoqov Fransiya taraqqiyot agentligining urbanizatsiya va shaharlarni rejalashtirish masalalari boʻyicha xalqaro konsultantlari – janob Giyom Jos va Sharlotta Byure xonimni qabul qildi.

Agentlik vakillari viloyatning iqtisodiy salohiyati, zamonaviy ishlab chiqarish korxonalari, kichik sanoat zonalariga tashrif buyurdilar. Ayni jarayonda Davlatobod tumani hududida yangi shaharsozlik namunasi asosida qad rostlayotgan “New Namangan City” loyihasi, RK-1 qozonxonasi, “Orzu Ideal tekstil”, “Iftixor kiyim sanoat” masʼuliyati cheklangan jamiyatlari faoliyati bilan yaqindan tanishgan mehmonlar hududning barqaror rivojlanayotgan iqtisodiyotini, demografiyasi va boshqa omillarni hisobga olgan holda Bosh reja tuzish yoʻnalishida hamkorlikni rivojlantirish imkoniyatlarini yuqori baholadilar.

 

Qudratilla NAJMIDDINOV, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?