Fargʻona viloyati, Fargʻona shahrida yashovchi 40 yoshli (ayol) Q.D. ariza bilan murojaat qilib, “Telegram” messenjeri orqali tanishib qolgan “nomaʼlum shaxs”, uning bank kartasiga kiberhujum boʻlayotganligini, uning himoyasini taʼminlashi va buni oldini olish mumkinligini bildirib, bank kartasidan jami 6.231.000 soʻm miqdoridagi pullarini yechib olganligini maʼlum qilgan.
Oʻtkazilgan tezkor-qidiruv tadbirlari natijasida, Toshkent shahri, Sergeli tumanida yashovchi 25 yoshli K.R. jabrlanuvchi Q.D. telefon raqamiga soxta xabarlar joʻnatib uni aldab “Telegram” messenjeri orqali bank kartasi kodi va sms-xabarnomani qoʻlga kiritib pullarni oʻzlashtirganligi maʼlum boʻldi.

K.R.ga nisbatan Jinoyat Kodeksining 168-moddasi 3-qismi bilan jinoyat ishi qoʻzgʻatilib, jinoiy javobgarlikka tortildi.

Qonunga muvofiq, K.R. tomonidan sodir etilgan jinoiy harakatlar uchun 5 yildan 8 yilgacha ozodlikdan mahrum qilish jazosi nazarda tutilgan.