Fargʻonada Qirgʻizistondan oʻqishni koʻchirib berish bilan bogʻliq firibgarlik holatlari fosh etildi

10:51 12 Oktyabr 2022 Jamiyat
243 0

Foto: Bosh prokuratura huzuridagi Departament

Bosh prokuratura huzuridagi Departament va DXXning Fargʻona tumani boʻlimlari tomonidan IIB xodimlari bilan hamkorlikda oʻtkazilgan tezkor tadbirda, fuqaro B.M. boshqa bir fuqaro M.ning ishonchiga kirib, 3 500 AQSH dollari evaziga uni qoʻshni Qirgʻiziston Respublikasi universitetidagi oʻqishini tanishlari yordamida Fargʻona Davlat universitetiga koʻchirib berishini aytib, oldindan 2 000 AQSH dollarini olgan vaqtida ashyoviy dalillar bilan ushlangan.

Shu kabi, Departamentning Gʻuzor tuman boʻlimi tomonidan oʻtkazilgan tezkor tadbirda, fuqaro M.Sh. boshqa bir fuqaro E.ni goʻyoki yuqori lavozimda ishlovchi tanishlari yordamida Shahrisabz Abu Ali Ibn Sino nomidagi jamoat salomatligi texnikumiga oʻqishga kiritib qoʻyishi evaziga 1 000 AQSH dollarini firibgarlik yoʻli bilan olgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qoʻzgʻatilib, tergov harakatlari oʻtkazilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?