Fargʻonada "yer sotuvchilar" qoʻlga olindi

13:48 27 Iyun 2022 Jamiyat
390 0

Foto: Bosh prokuratura huzuridagi Departement 

Xoʻjaobod va Oltiariq tumanlarida firibgarlar tomonidan yer sotish holatlari aniqlandi. Bu haqda Bosh prokuratura huzuridagi Departement xabar bermoqda.

Bosh prokuratura huzuridagi Departament, DXX va IIBning Xoʻjaobod tuman boʻlimlari tomonidan oʻtkazilgan tezkor tadbirda, fuqaro Z.M. boshqa bir fuqaro Oʻ.ning ishonchiga kirib, unga tanishlari yordamida tumandagi “Manak” MFY hududidan baliqchilikka ixtisoslashtirilgan fermer xoʻjaligini tashkil qilish maqsadida 35 gektar yer maydonini ajratib berish evaziga 7 000 AQSH dollari va 33 mln soʻmni olgan vaqtida ashyoviy dalillar bilan ushlangan.

Shu kabi, Departamentning Oltiariq tuman boʻlimi tomonidan oʻtkazilgan tergovga qadar tekshiruvda, fuqaro M.M. fuqaro A.ning ishonchiga kirib, unga turmush oʻrtogʻi M. rahbarligidagi “M.S.” fermer xoʻjaligiga qarashli 1 gektar yer maydonini uzum bogʻi barpo etish uchun ajratib berish evaziga 8 000 AQSH dollarini qoʻlga kiritganligi aniqlanib, shundan oʻz aybiga iqror boʻlib qaytargan 5 000 AQSH dollari ashyoviy dalil sifatida olib qoʻyilgan.

Mazkur holatlar yuzasidan Jinoyat kodeksining 168-moddasi (firibgarlik) va 28,211-moddasi (pora berish) bilan jinoyat ishlari qoʻzgʻatilib, tergov harakatlari oʻtkazilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер