Foto: Xalq so‘zi

Fargʻona viloyat teatr-konsert saroyida “Besh tashabbus” olimpiadasi ikkinchi mavsumi shahar bosqichi gʻoliblarini taqdirlash marosimi boʻlib oʻtdi.

Tantanali tadbirda Fargʻona viloyat hokimi Xayrullo Bozorov, viloyat va shahar sektorlari rahbarlari qatnashdi.

Tadbir davomida “Besh tashabbus” olimpiadasi Fargʻona shahar bosqichi gʻolib va sovrindorlari boʻlgan 200 nafarga yaqin yoshlar diplom hamda esdalik sovgʻalari bilan taqdirlandilar.

— Bugungi tadbirda Fargʻona shahrida istiqomat qiluvchi 150 nafar yoshga oliy taʼlim muassasalarida tahsil olish boʻyicha kontrakt toʻlovi, 50 nafar yigitga safarbarlik chaqiruvi rezervida harbiy xizmat uchun toʻlov toʻlab berildi, — deydi Fargʻona shahar hokimi oʻrinbosari Yusufjon Yusupov. — Oʻz navbatida 178 nafar yigit-qizga zamonaviy kasblarni egallashi uchun subsidiya ajratilgani haqidagi sertifikatlar topshirildi.

Botir Madiyorov, “Xalq soʻzi”.