Fargʻona kasb-hunar maktablarida Germaniya xalqaro hamkorlik jamiyati bilan sheriklikda yangi loyihalar amalga oshiriladi

13:28 25 Yanvar 2023 Jamiyat
158 0

Foto: Xalq so‘zi

Maʼlumki, ayni paytda mamlakatimizda Germaniya xalqaro hamkorlik jamiyati (GIZ) tomonidan “Oʻzbekistonda professional taʼlim tizimini isloh qilish va modernizatsiyalash jarayonlarini qoʻllab-quvvatlash” loyihasiga koʻra oʻzaro hamkorlikda keng koʻlamli saʼy-harakatlar olib borilmoqda.

Loyiha doirasida xalqaro ekspert Yoaxim Lenspnk (Yoaxim Lensnpnq) Fargʻona viloyatida boʻlib, kasb-hunar maktablari faoliyati bilan tanishdi. Xususan, Margʻilon shahridagi 2-sonli kasb-hunar maktabida ustozlar, ishlab chiqarish taʼlimi ustalari va oʻquvchilar bilan suhbatlashgan ekspert nazariy va amaliy bilimlarni yanada mustahkamlash borasida oʻz tavsiyalarini berdi.

— Hozirgi kunda viloyatimizdagi 76 ta professional taʼlim muassasasida tadbirkorlikni rivojlantirish, xizmat koʻrsatish va mahsulot ishlab chiqarish hajmini kengaytirish ustuvor vazifa sifatida belgilangan, — deydi Fargʻona viloyati kasbiy taʼlimni rivojlantirish va muvofiqlashtirish hududiy boshqarmasi boshligʻi Toʻychiboy Boymatov. — Bu borada xorij tajribasidan foydalanish juda muhim. Shu bois ushbu jarayonda dunyoning eng rivojlangan davlatlari, xususan, Germaniyaning taʼlim tizimida ixtisoslashgan sohaviy xizmatlari bilan faol hamkorlik yoʻlga qoʻyilmoqda. Kasb-hunar maktablarida nazariy va amaliy bilimlarni oʻzaro uygʻunlashtirish hamda zamonaviy hunarlarni oʻrgatish orqali oʻrta boʻgʻinda raqabotbardosh mutaxassislar tayyorlash bunda asosiy maqsadimizga aylangan.

 

Botir Madiyorov, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?