Ertaga Toshkentda SHHTga aʼzo davlatlar energetika vazirlari yigʻilishi boʻlib oʻtadi

10:13 23 Iyun 2022 Jamiyat
418 0

2022-yil 24-iyun kuni Toshkent shahrida Shanxay hamkorlik tashkilotiga aʼzo davlatlar energetika vazirlarining ikkinchi yigʻilishi boʻlib oʻtadi.

Oʻzbekiston Respublikasining Shanxay hamkorlik tashkilotiga raisligi doirasida 2022-yil 24-iyun kuni Toshkentda SHHTga aʼzo davlatlar energetika vazirlarining ikkinchi yigʻilishi boʻlib oʻtadi.

Oʻzbekiston, Hindiston, Qozogʻiston, Xitoy, Qirgʻiziston, Pokiston, Rossiya Federatsiyasi va Tojikiston Energetika vazirliklari rahbarlari Tashkilot uchun shunday strategik yoʻnalishdagi hamkorlikning holati va istiqbollarini muhokama qiladilar.

Uchrashuv yakunlari boʻyicha SHHTga aʼzo davlatlarning energetika sohasidagi hamkorligi konsepsiyasini va Oʻzbekiston tomoni tashabbusi bilan SHHTga aʼzo davlatlarning qayta tiklanuvchi energiya manbalari sohasidagi hamkorlik dasturi loyihasini amalga oshirish boʻyicha chora-tadbirlar rejasini, xususan, bilan SHHTga aʼzo davlatlarning energetika sohasidagi konseptual hujjatlarini tasdiqlash kutilmoqda.

SHHTga aʼzo davlatlar delegatsiyalari rahbarlari ham boʻlajak Oʻzbekiston energetika forumi – UEF-2022 (23-24-iyun)da ham ishtirok etadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?