Arxiv surat

Bugun XXXII yozgi Olimpiya oʻyinlarida 11 nafar sportchimiz oʻz ishtirokini boshlaydi.

Jumladan, sport gimnastikasi boʻyicha Oksana Chusovitina koʻpkurash bahslarida qatnashadi. Bu uning professional faoliyati sakkizinchi Olimpiya oʻyinlari hisoblanadi. Tajribali sportchimiz ishtirokidagi bahslarni ertaga Toshkent vaqti bilan soat 06:00 dan boshlab kuzatishingiz mumkin.

Shuningdek, veloshosse boʻyicha yakkalik poygasida terma jamoamiz aʼzosi Olga Zabelinskaya, dzyudochilarimizdan Sardor Nurillayev (-66 kg) hamda Diyora Keldiyorova (-52 kg), taekvondochi Ulugʻbek Rashitov (-68 kg), ogʻir atletika musobaqalarida Adhamjon Ergashev (-67 kg) oʻz imkoniyatlarini sinab koʻradi.

Bugun kungi bahslarda ishtirok etadigan sportchilar va ularning raqiblari bilan tanishing:

Veloshosse, soat 09:00

Olga Zabelinskaya – yakkalik poyga, final

Akademik eshkak eshish, soat 05:00-09:30

Shahboz Xolmirzayev/Sobir Safaraliyev – juftlik, oʻtish bosqichi

Dzyudo, soat 07.00-15.50

Erkaklar (-66 kg): Sardor Nurillayev – Denis Viyeru (Moldova)

Ayollar (-52 kg): Diyora Keldiyorova – Sosorbaram Lxagvasuren (Moʻgʻiliston)

Boks, ayollar (-51 kg)

Soat 07.00: Tursunoy Rahimova – Sandra Drabik (Polsha)

Boks, erkaklar (-63 kg)

Soat 14.18: Elnur Abduraimov – Chinzorig Baatarsux (Moʻgʻiliston)

Boks, erkaklar (-81 kg)

Soat 16.42: Dilshod Roʻzmetov – Emme Brennan (Irlandiya)

Taekvondo WTF, soat 06:14-15:00

Erkaklar (-68 kg): Ulugʻbek Rashitov – Seydu Fofana (Mali)

Ogʻir atletika, soat 15:50

Erkaklar (-67 kg), final. Adhamjon Ergashev

Musobaqalarning boshlanishi Toshkent vaqti bilan koʻrsatilgan.