Durdona Rahimova yana Toshkent shahar hokimligida faoliyatini davom ettiradigan boʻldi

10:23 02 Aprel 2024 Jamiyat
292 0

Foto: Toshkent shahar hokimligi Matbuot xizmati

Durdona Shukurullayevna Rahimova Toshkent shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari etib tayinlandi.

Bugungi kunga qadar u Yoshlar siyosati va sport vazirining oʻrinbosari vazifasida ishlab kelgan edi.

Durdona Rahimova 2020-yil mart oyida Toshkent shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari etib tayinlangan edi.

2023-yilning yanvar oyida esa Prezident qarori bilan Yoshlar siyosati va sport vazirining oʻrinbosari vazifasiga tayinlangandi.

Durdona Rahimova mehnat faoliyatini 2012-yilda «Kamolot» yoshlar ijtimoiy harakati Jizzax viloyati Kengashi iqtidorli yoshlar va yosh olimlar bilan ishlash boʻlimi mudiri sifatida boshlagan hamda oʻtgan yillar davomida qator masʼul vazifalarda muvaffaqiyatli faoliyat yuritib kelgan.

U Yoshlar ittifoqi Toshkent shahar Kengashi raisi lavozimida ishlagan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер