Jahon sogʻliqni saqlash tashkiloti hisobotiga koʻra, joriy yil 23-yanvardan 19-fevralgacha dunyoda 5,28 million nafardan ziyod kishiga koronavirus tashxisi qoʻyilib, ulardan qariyb 48,7 ming nafari hayotdan koʻz yumgan.

Tahlillar soʻnggi toʻrt hafta ichida Yer yuzida SOVID-19 ga chalinish holatlari avvalgi 28 kunga nisbatan 89 foiz, oʻlim koʻrsatkichlari esa 62 foizga kamayganini tasdiqlaydi.

Bu davrda eng koʻp bemorlar roʻyxatga olingan mamlakatlar:

— AQSH — 1,1 million,

— Yaponiya — 1 million,

— Xitoy — 635 ming,

— Janubiy Koreya — 430 ming,

— Germaniya — 329 ming nafar.

Eng koʻp oʻlim holatlari qayd etilgan davlatlar:

— AQSH — 13517,

— Xitoy — 9945,

— Yaponiya — 6536,

— Avstraliya — 2179,

— Buyuk Britaniya — 2063 nafar.

JSST mutaxassislarining taʼkidlashicha, kelgusida SOVID-19 pandemiyasining yangi toʻlqini avj olmasligi uchun dunyo aholisi, ayniqsa xavf guruhiga mansub qatlam toʻliq bosqichda va buster dozada emlanishlari zarur.