Denovdagi savdo markazi portlashi oqibatida yetkazilgan zarar miqdori aytildi

17:30 08 Yanvar 2022 Jamiyat
632 0

Joriy yilning 8-yanvar kuni AOKAda boʻlib oʻtgan brifingda Favqulodda vaziyatlar vazirligi Davlat yongʻin nazorati bosh boshqarmasi boshligʻi polkovnik Oʻlmas Muzaffarov Surxondaryo viloyati Denov shahridagi savdo markazida sodir boʻlgan portlash oqibatida yetkazilgan zarar miqdori 22,6 mlrd. soʻmni tashkil etganini maʼlum qildi.

Zarar mustaqil baholovchi tashkilot va boshqa mansabdor shaxslar tomonidan hisoblab chiqilgan. Jami 226 ta koʻchmas mulk obyekti, jumladan, 140 ta turar-joy binolari: 76 ta hovli va 64 ta xonadon, 5 ta koʻp qavatli uy, 86 ta noturarjoy binolari shikastlangan. Majmuaga yetkazilgan zarar umumiy summadan 14,4 milliard soʻmni tashkil etadi. Yetkazilgan zararni qoplash Surxondaryo viloyati hokimligi tomonidan tashkil etilgan.

Voqealarning sabablarini aniqlash va oqibatlarini bartaraf etish boʻyicha kompleks chora-tadbirlarni koʻrish maqsadida Vazirlar Mahkamasining tegishli qarori bilan hukumat komissiyasi tuzildi.

13 uyning egalari boshqa joylarga koʻchirilib, ularga yangi uy-joy qurish uchun pudratchilar jalb etilib, qurilish-montaj ishlari olib borilmoqda. 69 ta turar-joy binolarini, jumladan, 5 ta koʻp qavatli uydagi 64 ta xonadondagi 64 ta turar-joy binolarini taʼmirlashda pudrat tashkilotlari jalb etilgan. Tadbirkorlar tomonidan 60 ta noturar joy taʼmirlanib, qurilmoqda, – dedi Oʻlmas Muzaffarov.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер