Foto: Illustrativ foto

Maryam Qulmatova yoʻllanma asosida Respublika ixtisoslashtirilgan travmatologiya va ortopediya ilmiy-amaliy tibbiyot markaziga qoʻltiq tayoqda kelgan edi. Unga yuqori-texnologik jarrohlik amaliyoti oʻtkazildi. Bunga talab etilgan mablagʻ esa davlat byudjeti hisobidan Davlat tibbiy sugʻurtasi jamgʻarmasi tomonidan qoplab berildi. Hozirda Maryam opaning ahvoli yaxshi.

Imtiyozli toifadagi bemorlarning davolanishi uchun 600 mlrd soʻmdan ziyod mablagʻ toʻlab berildi. Birinchidan, shaffof tizim yoʻlga qoʻyildi, ikkinchidan bemorlar xohishiga koʻra, davlat yoki xususiy tibbiyot muassasalarda davolanish imkoniyati yaratildi. – dedi DTSJ boshqarma boshligʻi Baxtiyor Odilov.

Tuman tibbiyot birlashmalarida tibbiy komissiyalar tashkil etilgan. Oilaviy shifokor imtiyozli toifadagi bemorlarning dastlabki hujjatlarini elektron tizimga yuklaydi. Tuman bosqichidan oʻtgandan keyin, hujjatlar viloyat bosqichida koʻrib chiqiladi. Soʻngra komissiya bemorni viloyatning oʻzida yoki respublika tibbiyot markazida davolanish uchun yoʻnaltiradi – dedi DTSJ boshqarma boshligʻi Shuhrat Almardanov.