Chirchiqda qiymati 50 million dollarlik yiliga 2,5 million dona boʻlgan alyumin qadoqlash korxonasi ishga tushadi

17:22 18 Dekabr 2023 Siyosat
870 0

Yigʻilishda mamlakatimizda mashhur brendlar ostida mahalliy mahsulot ishlab chiqarishni yoʻlga qoʻyish zarurligi qayd etildi.

Misol uchun, kelgusi yil oktyabrda Chirchiqda qiymati 50 million dollarlik yiliga 2,5 million dona boʻlgan alyumin qadoqlash korxonasi ishga tushadi.

Bu nafaqat salqin ichimliklar, balki kosmetika, maishiy kimyo, oziq-ovqat yoʻnalishidagi brendlar uchun tayyor xom ashyo bazasi.

Shu munosabat bilan oʻnlab nufuzli brendlar bilan ishlab, ularni Oʻzbekistonga olib kelish choralarini koʻrish topshirildi.

Umuman, brendlarni jalb qilish boʻyicha yangicha yondashuvlarni joriy qilinadi:

— nufuzli xalqaro brendlar bilan ishlab chiqarishni boshlayotgan korxonalarga xalqaro standartlar, ekologiya va sertifikatlash xarajatlari qoplab beriladi;

— mashhur brendlar ostida ishlab chiqariladigan mahsulotlar uchun, mahalliylashtirishni kamida 60 foizga yetkazish sharti bilan ular uchun zarur boʻlgan barcha xom ashyolar bojxona toʻlovlaridan ozod qilinadi;

— mahsulotini kamida 30 foizini brend ostida ishlab chiqaradigan mahalliy tadbirkorlarga xorijiy investitsiya ishtirokidagi korxonalar uchun nazarda tutilgan imtiyoz va yengilliklar beriladi;

— yirik brendlardan jalb qilingan texnolog, dizayner, marketolog kabi mutaxassislardan Oʻzbekistonda ishlaganlik uchun toʻlovlar undirilmaydi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?