Chegarada katta miqdordagi sifati kafolatlanmagan tibbiyot mahsulotlari toʻxtatib qolindi

09:25 12 May 2020 Jamiyat
359 0

Surxondaryo viloyati Uzun tumanida joylashgan chegaraoldi hududlarida DXX Chegara qoʻshinlari harbiy xizmatchilari huquqni muhofaza qiluvchi organlari xodimlari bilan hamkorlikda tezkor tadbir oʻtkazishdi.

Tezkor tadbir davomida qoʻshni respublika hududidan davlatimiz chegarasini noqonuniy ravishda buzib oʻtmoqchi boʻlgan shaxslar qoʻlga olindi. Ular oʻzlari bilan sifati kafolatlanmagan 15 000 dona tibbiy niqoblar, arbidol, flutsinar, pentalgin kabi turli xil dori vositalarini olib oʻtayotganligi aniqlandi.

Huquqbuzarlar ushbu dori vositalarini qoʻshni Tojikiston Respublikasidan oqib oʻtuvchi Kofirnixon daryosida rezina qayiqlar yordamida olib kirmoqchi boʻlganida toʻxtatib qolindi. Ayni vaqtda holat yuzasidan surishtiruv ishlari amalga oshirilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?