“Bundan buyon faoliyatimizni mutlaqo yangicha, yaʼni, «inson–jamiyat–davlat” tamoyili asosida tashkil etamiz» — Prezident

17:15 26 Yanvar 2022 Siyosat
940 0

Foto: president.uz

Taraqqiyot strategiyasida 7 ta ustuvor yoʻnalish boʻyicha “Inson qadri uchun 100 ta maqsad” belgilab olindi. Bu haqda Prezident matbuot kotibi Sherzod Asadov xabar berdi.

Ushbu maqsadlarga erishish uchun joriy yilning oʻzida umumiy qiymati 55 trillion soʻm va 11,7 milliard dollarlik 398 ta chora-tadbirni amalga oshirish koʻzda tutilmoqda.

«Barcha saʼy-harakatlarimiz, ajratilayotgan mablagʻlar mahalla va xonadonlargacha aniq yetib borishi va har bir oila farovonligini oshirishga xizmat qilishi shart.

Buning uchun respublika, viloyat, tuman va shahar hamda mahalla darajasidagi barcha rahbarlar bor kuch va resurslarini toʻliq safarbar qilishlari zarur», — dedi Prezident Shavkat Mirziyoyev.

Shuningdek, davlatimiz rahbari strategiyaning inson qadrini yuksaltirish va xalqparvar davlat barpo etish yoʻnalishidagi vazifalarni koʻrsatib oʻtdi. Jumladan, bular:

— mahallani jamoatchilik boshqaruvi va nazoratining tayanch boʻgʻiniga aylantirish;

— xalq bilan muloqot mexanizmlarini takomillashtirish;

— “Obod qishloq”, “Obod mahalla” va boshqa hududiy dasturlarni jamoatchilik fikri asosida ishlab chiqish;

— davlat organlarini “mahallabay” ishlash tizimiga oʻtkazish;

— elektron davlat xizmatlarining ulushini amaldagi 54 foizdan 90 foizga yetkazish.

— jamoatchilik fikrini muntazam va ilmiy asoslangan holda tizimli oʻrganish. Buning uchun, “Ijtimoiy fikr” markazi faoliyati takomillashtirilib, alohida Sotsiologiya instituti tashkil etiladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер