Foto: Bosh prokuratura huzuridagi Departament

Bosh prokuratura huzuridagi Departamentning Gʻijduvon tuman boʻlimi tomonidan DXX va IIB xodimlari bilan hamkorlikda oʻtkazilgan tezkor tadbirda, fuqaro D.S. fuqaro N.H.ning oʻgʻlini goʻyoki yuqori lavozimda ishlovchi tanishlari yordamida Buxoro davlat universitetiga oʻqishga kiritib qoʻyish evaziga 1500 AQSH dollarini firibgarlik yoʻli bilan olgan vaqtida ashyoviy dalillar bilan ushlangan.

Shu kabi, Departamentning Pastdargʻom tuman boʻlimi tomonidan oʻtkazilgan tergovga qadar tekshiruvda, fuqaro D.D. fuqaro O.Sh.ni qoʻshni Qozogʻiston Respublikasidagi universitetlardan biriga oʻqishga kiritib qoʻyish evaziga 1 000 AQSH dollarini olganligi aniqlanib, ushbu pullar hisobidan 200 AQSH dollari va unga tegishli hujjatlarni qaytarganligi protsessual tartibda rasmiylashtirilgan.

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qoʻzgʻatilib, tergov harakatlari oʻtkazilmoqda.