Bugun Sirdaryo viloyatida davolanayotgan 9 nafar bemor sogʻaydi, ulardan biri tojikistonlik

15:32 18 Iyul 2020 Jamiyat
378 0

“Xalq soʻzi Online”. Ahmadali Shernazarov/Sirdaryo. Koronavirus infeksiyasi bilan xastalangan va Sirdaryo viloyati yuqumli kasalliklar shifoxonasida davolanayotgan 9 nafar bemor sogʻayganligi bois uyga kuzatildi.Bu haqda viloyat sogʻliqni saqlash boshqarmasi axborot xizmati xabar tarqatdi.

Davo topganlarning eng yoshi Guliston tumanidan bir yoshga toʻlmagan goʻdak boʻlsa, eng yoshi ulugʻi Boyovut tumanida yashovchi 1932-yilda tugʻilgan onaxondir. Shuningdek, sogʻayganlarning bir nafari Boyovut tumanidan, bir nafari Guliston shahridan, bir nafari Mirzaobod tomonidan, bir nafari Yangiyer shahridan, qolgan bir nafari esa qoʻshni Tojikiston Respublikasining Xatlon viloyatidan.

Ular tana harorati koʻtarilishi, taʼm sezish yoʻqolishi va koronavirusning boshqa alomatlari bilan viloyat yuqumli kasalliklar shifoxonasiga yotqizilgan edi. Sirdaryolik shifokorlar belgilangan standartlar asosida davo muolajalarni oʻtkazishdi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?