Bojxona koʻrigi: hujjatlarda qayd etilmagan 1 mlrd. 633 mln. soʻmlik tibbiy texnika buyumlari

12:21 29 Noyabr 2022 Jamiyat
250 0

Toshkent shahar bojxona boshqarmasi “Chuqursoy” TIF bojxona postida navbatdagi qonunbuzilish holatlari fosh etildi.

Xorijdan yuk konteynerida keltirilgan va bojxona rasmiylashtiruvida davomida avtomatik tarzda “qizil” yoʻlakka yoʻnaltirilgan 2 turdagi sintetik va toʻqimachilik mato tovarlari bojxona koʻrigidan oʻtkazildi. 

Natijada oʻtkazilgan bojxona koʻrigi davomida umumiy qiymati 1,8 mlrd. soʻmlik salkam 6.5 tonna matolar hujjatlarda koʻrsatilmaganligi, shuningdek, bojxona yuk deklaratsiyasida koʻrsatilganidan ortiqcha miqdorda ekanligi aniqlandi.

Agarda mazkur tovarlar qonuniy yoʻl orqali olib kirilganida 160 mln. soʻm miqdorida bojxona toʻlovlari davlat byudjetiga undirilar edi.

Yana bir holatda xorijdan keltirilgan yuklar bojxona koʻrigidan oʻtkazilganida, yuk konteynerida hujjatlarda qayd etilmagan umumiy qiymati 1 mlrd. 633 mln. soʻmlik 13 turdagi tibbiy texnika buyumlari borligi aniqlandi.

Hozirda yuqoridagi holatlar yuzasidan bojxona organlari tomonidan tekshiruv va surishtiruv harakatlari olib borilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?