Bosniya va Gersegovina Biznes-ombudsman institutini tashkil etishda Oʻzbekiston tajribasini oʻrganmoqda

16:28 29 Noyabr 2022 Siyosat
518 0

Foto: Illustrativ foto

Biznes-ombudsman devoni xodimlari komplayens va etika boʻyicha xalqaro sertifikatlangan mutaxassis Mila Srnogoras Bayich bilan onlayn uchrashuv oʻtkazishdi.

Uchrashuv Bosniya va Gersegovinada Biznes-ombudsman institutini tashkil etish dasturi doirasida tadbirkorlar huquqlarini himoya qilish boʻyicha Oʻzbekiston tajribasini oʻrganish maqsadida tashkil etildi. Bugungi kunga qadar Gruziya va Ukrainaning shu kabi tashkilotlari tajribasi oʻrganilgan.

Uchrashuvda Biznes-ombudsman devoni xodimlari tomonidan Oʻzbekistonning Biznes-ombudsman institutini tashkil etish tajribasi haqida batafsil maʼlumot berildi.

Xususan, Biznes-ombudsmanning vakolatlari roʻyxati, uning vazifalari, shuningdek, faoliyat koʻrsatgan davrda amalga oshirgan ishlari toʻgʻrisida soʻzlab berildi.

Shu bilan birga, jahondagi maʼlum Biznes-ombudsman institutlari orasida Oʻzbekiston Biznes-ombudsmani keng maʼmuriy resurslar taʼminlangani va bu oʻz navbatida tadbirkorlik subyektlarining huquqlarini himoya qilish samaradorligini oshirishga xizmat qilish qayd etildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер