Boʻsh turgan binolarga nisbatan yuqori soliq stavkasini belgilash bekor qilindi

10:02 29 Iyun 2022 Jamiyat
276 0

“Soliq maʼmuriyatchiligini isloh qilish davrida biznes uchun qulay shart-sharoitlar yaratish chora-tadbirlari toʻgʻrisida”gi Prezident farmoni (PF–162-son, 28.06.2022-y.) qabul qilindi.

Farmonga muvofiq, 2022-yil 1-iyuldan boʻsh turgan binolar, foydalanilmayotgan ishlab chiqarish maydonlari, yashash uchun moʻljallanmagan inshootlar, tugallanmagan qurilish obyektlariga va ushbu obyektlar bilan band yerlarga mol-mulk va yer soliqlarining oshirilgan stavkalarini qoʻllash, soliq imtiyozlari va preferensiyalarning amal qilishini toʻxtatish tartibi bekor qilindi.

2023-yil 1-martgacha:

— hisobvaraq-fakturalarda yoki nazorat-kassa texnikasi cheklarida tovarlar (xizmatlar)ga muvofiq boʻlmagan identifikatsiya kodlarini aks ettirganlik uchun moliyaviy jarima solinmaydi;

— xoʻjalik yurituvchi subyektlar asosiy vositalar, nomoddiy aktivlar va tovar-moddiy resurslarni hisobga olish hamda oʻz ustav fondiga oid operatsiyalarni “Ye-aktiv” tizimida aks ettirish ixtiyoriy hisoblanadi.

2022-yil 1-iyuldan:

— majburiy ravishda qoʻshilgan qiymat soligʻi toʻlovchisi deb eʼtirof etiladigan tadbirkorlarga QQS boʻyicha guvohnoma avtomatik ravishda beriladi;

— soliq xavfi yuqori boʻlgan soliq toʻlovchilarning QQS boʻyicha guvohnomasining amal qilishi bu haqida soliq organlari tomonidan 5 ish kuni oldin xabarnoma yuborilgandan soʻng hamda mazkur muddatda kamchiliklar bartaraf etilmagan taqdirda toʻxtatib turiladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер