Bosh prokuratura nima uchun Equinox sotib olganiga izoh berdi

09:14 27 Noyabr 2020 Jamiyat
692 0

"Zafarbek Solijonov« telegram kanalida Davlat xaridlari portalining maʼlumotiga asosan 2020-yil davomida Bosh prokuratura »UzAuto Motors"dan LACETTI, EQUINOX hamda TRAILBLAZER avtomashinalarini sotib olganligi haqida xabar chiqarilgan.

Bosh prokuratura ushbu maʼlumot boʻyicha rasmiy bayonot berdi.

"Mamlakatimizda koronavirus pandemiyasi tufayli xarajatlar cheklovlari kiritilishiga qadar Bosh prokuratura tomonidan “UzAutoMotors” AJdan “LACETTI” hamda “EQUINOX” rusumli avtomashinalari sotib olingan.

Biroq “TRAILBLAZER” rusumli avtomashina xarid qilinmagan.

“EQUINOX” rusumli avtomashina Oʻzbekiston Respublikasi Moliya vazirligining roziligi bilan qishloq xoʻjaligi va oziq-ovqat xavfsizligi sohasida qonun xujjatlari ijrosi ustidan nazoratni amalga oshirishga masʼul boʻlgan Oʻzbekiston Respublikasi Bosh prokurorining oʻrinbosari (yangi shtat birligi) xizmatda foydalanishi uchun xarid qilingan.

Yuqorida koʻrsatib oʻtilgan xizmat avtomashinalari byudjetdan tashqari jamgʻarma hisobidan xarid qilinganligi maʼlum qilinadi" deyiladi ushbu bayonotda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?