14-may kuni Oʻzbekiston Prezidenti Shavkat Mirziyoyev Respublika ixtisoslashtirilgan onkologiya va radiologiya ilmiy-amaliy tibbiyot markaziga tashrif buyurib, u yerda davolanayotgan bolalar bilan suhbatlashib, ularning ota-onalariga dalda bergan edi. Tashrif doirasida bolalar davlat rahbari bilan oʻz qiziqishlarini oʻrtoqlashib, ulardan biri sportning shaxmat turiga qiziqishini maʼlum qilgan.

15-may kuni Prezident topshirigʻiga muvofiq ushbu shifoxonada davolanayotgan bolalarga shaxmat doskalari sovgʻa qilindi, soha mutaxassislari bemor bolalar shaxmat oʻynashdi hamda oʻz tajribalari bilan oʻrtoqlashishdi deya xabar bermoqda Turizm va sport vazirligi xabar berdi.

Prezident bilan uchrashuv chogʻida shaxmatga qiziqishi haqida aytgan Saidjon Salimjonov Fargʻona shahridagi 28-maktabning 3-“A” sinfi oʻquvchisi boʻlib, darslardan keyin shaxmat bilan shugʻullangan va professional shaxmat haqida orzu qilgan.

Shuningdek, markazda davolanayotganlar orasida shaxmatga qiziqadigan bolalar koʻpchilikni tashkil qilar ekan. Shulardan yana biri Jizzax viloyatidan kelgan - Jasurbek Abdugʻaniyev boʻlib, u ham qiziqishi va orzulari bilan oʻrtoqlashdi.

Bundan tashqari Buxoroning Olot tumanidan kelib, markazda davolanayotgan Temurbek Botirov esa doʻstlari bilan sport maydonlariga borishi, u yerda turli jismoniy mashgʻulotlar bilan shugʻullanishini aytgan.