“Barkamol avlod” bolalar maktabi oʻquvchilari xalqaro festivalda munosib ishtirok etdi

18:00 05 Iyul 2022 Jamiyat
400 0

Xalq taʼlimi vazirligi huzuridagi “Barkamol avlod” respublika bolalar maktabining “Zamin” bolalar folklor ansambli aʼzolari joriy yilning 25-iyundan 2-iyulga qadar Ispaniyaning Kalelya shahrida boʻlib oʻtgan “GRAND CALELLA FOLK" xalqaro festivalida ishtirok etdi.

Dunyoning 15 dan ortiq mamlakati folklor jamoalari ishtirok etgan mazkur festivalda mamlakatimiz madaniyati va urf-odatlarini oʻzida mujassam etgan chiqishlar jahon sanʼat ixlosmandlarini hayratda qoldirdi.

Festival yakunlariga koʻra, yurtimiz nomidan qatnashgan 8 nafar ishtirokchi xalqaro miqyosdagi diplomlar bilan taqdirlandi.

“Barkamol avlod” respublika bolalar maktabining “Zamin” bolalar folklor ansambli aʼzolari joriy yilning 7-iyul kuni mamlakatimizga qaytadi.

Xalq taʼlimi vazirligi oʻquvchilarimizni ushbu gʻalaba bilan muborakbod etadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?