Asli Fargʻona viloyatidan boʻlgan M.O. 2021-yilning iyul oyidan buyon Kaliningrad viloyatida ishlaydi. Yurtdoshimiz ehtiyotsizlik oqibatida mehnatga layoqatsiz boʻlib qoldi.

Qiyin ahvolga tushib qolgani fuqaro Oʻzbekistonga qaytishda yordam soʻrab, Tashqi mehnat migratsiyasi agentligining Sankt-Peterburg shahridagi vakolatxonasiga murojaat qildi.

Murojaat oʻrganilganida, M.O. qurilish obyektida ishlayotganda balandlikdan yiqilib tushish oqibatida umurtqa suyagi va oyogʻi singani, uzoq muddatga mehnat qilolmasligi maʼlum boʻldi.

Musofirchilikda qiyin ahvolda qolgan yurtdoshimizga yordam koʻrsatilib, Xorijda mehnat faoliyatini amalga oshiruvchi fuqarolarni qoʻllab-quvvatlash hamda ularning huquq va manfaatlarini himoya qilish jamgʻarmasi mablagʻlari hisobidan aviachipta olib berildi va Kaliningrad – Sankt-Peterburg – Fargʻona yoʻnalishidagi aviareys orqali Oʻzbekistonga qaytarildi.