Baxtiyor Saidov Buyuk Britaniyaning mamlakatimizdagi elchisi Tim Torlotni qabul qildi

15:06 20 Yanvar 2023 Siyosat
603 0

Foto: Tashqi ishlar vazirligi matbuot xizmati

2023-yilning 20-yanvar kuni Oʻzbekiston Respublikasi Tashqi ishlar vaziri v.b. Baxtiyor Saidov Buyuk Britaniya va Shimoliy Irlandiya Birlashgan Qirolligining Favqulodda va muxtor elchisi Tim Torlotni qabul qildi.

Ikki tomonlama munosabatlarning bugungi holati va uni rivojlantirish istiqbollari yuzasidan atroflicha fikr almashildi.

Iqtisodiy diplomatiyani faollashtirishdan oʻzaro manfaatdorlik bildirildi. Shu nuqtayi nazardan, qoʻshma sarmoyaviy loyihalarni amalga oshirish hamda oʻzaro tovar ayirboshlashni kengaytirish istiqbollari koʻrib chiqildi.

Xalqaro va mintaqaviy ahamiyatga molik ayrim masalalar, xususan, ikki davlatning Afgʻoniston yoʻnalishidagi oʻzaro hamkorligi muhokama qilindi.

Uchrashuv kun tartibidan, shuningdek, fan-taʼlim yoʻnalishidagi sheriklik aloqalarini rivojlantirish, mehnat migratsiyasi sohasida hamkorlikni yoʻlga qoʻyish, madaniy-gumanitar aloqalarni kengaytirish va parlamentlararo muloqotni yanada mustahkamlash masalalari ham oʻrin oldi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?