Bayden amerikaliklarni Ukrainadagi jangovar harakatlarda qatnashmaslikka chaqirdi

00:29 18 Iyun 2022 Dunyo
536 0

Foto: Reuters

AQSH prezidenti Jo Bayden amerikaliklarni Ukrainadagi jangovar harakatlarda qatnashishmaslikka chaqirdi

“Amerika fuqarolari Ukrainaga bormasligi kerak”, deydi AQSH yetakchisi. Baydenning qoʻshimcha qilishicha, u Ukrainada bir necha amerikalik gʻoyib boʻlgani haqida xabardor qilingan. Prezidentning soʻzlariga koʻra, Oq uy ularning qayerda ekanligi haqida hozircha maʼlumot olmagan.

Avvalroq, AQSH Davlat departamentining rasmiy vakili Ned Prays AQSH Ukrainada asirga olingan va harbiy harakatlarda qatnashish uchun u yerga borgan amerikalik fuqarolar taqdiri yuzasidan Rossiya bilan bogʻlanishga rozi boʻlganini maʼlum qilgandi. Shu bilan birga, u Vashington hozircha Moskvaga bunday iltimos bilan murojaat qilmaganiga ishora qildi.

Avvalroq Buyuk Britaniyaning “The Telegraph” nashri rossiyalik harbiylar Kiyev tomonida jang qilgan ikki amerikalik yollanma askarni Xarkov chekkasida qoʻlga olgani haqida xabar bergan edi. Nashrga koʻra, 39 yoshli Aleksandr Dryuke va 27 yoshli Endi Xyuyn Ukrainda qoʻlga olingan birinchi AQSH fuqarolari hisoblanadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер