Turizmni rivojlantirish davlat qo'mitasi tomonidan Navoiy va Samarqand viloyatlariga jurnalist va blogerlar uchun press-tur tashkil etilgani haqida xabar bergan edik. Tadbir «Samarkand Half Marathon — 2020" doirasida shahar va klublar oʻrtasidagi oʻtkazilgan musobaqalarning yakuniga bagʻishlangan matbuot anjumani bilan nihoyasiga yetdi.

Maʼlumotlarga koʻra, «Kapitalbank» ATB tomonidan ishtirokchilarning bosib oʻtgan har bir kilometri uchun 1 km 1000 soʻmga teng miqdordagi pul mablagʻlari yarimmarafon hisobiga oʻtkazib beriladi. Mazkur mablagʻlar va boshqa tushumlar Samarqand va Toshkentdagi madaniyat markazlarida autizmga chalingan bolalar uchin 2 ta badiiy ustaxona tashkil qilishga yoʻnaltiriladi.

— "Samarkand Half Marathon" mamlakatning sayyohlik salohiyati, ayniqsa, yangi segment — sport turizmini rivojlantirishga hissa qoʻshadigan xalqaro sport brendiga aylandi. Pandemiyaga qaramay, ushbu yarimmarafon ajoyib natijalarni qayd etgani bizni xursand qildi. Maʼlumotlarning ochiqligini taʼminlash maqsadida oʻtkazilgan barcha mashgʻulotlar yarimmarafon veb-saytida uch tilda subtitrlar bilan chop etildi.

Gʻoliblar yarimmarafon tashkiliy qoʻmitasi tomonidan taqdirlandi.