Ayol sudyalar sonini oshirish maqsadida 2023/2024 oʻquv yilida xotin-qizlarga qoʻshimcha 12 ta kvota ajratildi

14:57 01 Iyun 2023 Siyosat
393 0

Oʻzbekistonda gender tenglikka erishish strategiyasining maqsadli koʻrsatkichlariga koʻra, sudyalar orasida xotin-qizlar ulushini 2025-yilda 20 foizga, 2030-yilda 30 foizga yetkazish nazarda tutilgan. Ayni paytda Oʻzbekistonda sudyalar orasidagi xotin-qizlarning ulushi 14 foizga yetdi (bu koʻrsatkich Qozogʻistonda 51%, Rossiyada 66%, Sloveniyada 70%, Portugaliyada 75%).

Sudyalar oliy kengashi huzuridagi Sudyalar oliy maktabining Sudyalik lavozimlariga nomzodlarni tayyorlash kursiga 2023/2024 oʻquv yili uchun fuqarolik, jinoyat, iqtisodiy va maʼmuriy huquq ixtisosliklari boʻyicha qabul eʼlon qilingan.

Tahsillar davlat granti asosida amalga oshirilib, tinglovchilar oylik stipendiya bilan taʼminlanadi.

Oʻquv jarayonlari Sudyalar oliy maktabi binosida olib boriladi, ayol tinglovchilarga oʻzlari istiqomat qiluvchi hududdagi sudlarda amaliyot oʻtash imkoniyati taqdim etiladi (amaliyot oʻtash jami oʻqish davrining qariyb yarmini tashkil qiladi).

Hujjatlar 2023-yilning 5-iyuniga qadar qabul qilinadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер