Illyustrativ foto

Janubiy Koreya navbatdagi yadro quroliga ega davlatga aylanishi mumkin.

19FortyFive: sharhlovchisi Robert Kelli yangi yadroviy kuch paydo boʻlishini bashorat qildi. Jurnalistning fikricha, Janubiy Koreya yadro qurolining navbatdagi egasiga aylanishi mumkin. Kellining fikricha, Seulning yadroviy dastur ishlab chiqayotgani foydasiga ikkita dalil bor. Birinchidan, u KXDRda AQSH hududiga yetib borishga qodir qitʼalararo ballistik raketalarning paydo boʻlishi sababli Vashingtondagi ishonchning pasayishini aytdi.

Ikkinchi sabab, maqola muallifining fikricha, Janubiy Koreya va AQSHning xavfsizlik borasidagi qarashlarining turlichaligidir. Seul uchun Pxenyanga qarshilik koʻrsatishda davom etish muhim, Vashington esa “buyuk kuchlar raqobati”ni maqsad qilgan. 

Kelli yadroviy maqomni “Amerika bilan kelishmovchiliklarni qoplash yoʻli” deb atadi, biroq KXDR, Yaponiya va Xitoyning bunga munosabat bildirishidan xavotir bildirdi.

Kuzatuvchining eslatishicha, bir davlatda yadro qurolining paydo boʻlishi koʻpincha dushman davlatlarning yadroviylashuviga sabab boʻladi. Misol tariqasida u AQSHning harakatlariga javob boʻlgan SSSR yadro dasturini va Pokiston va Hindiston oʻrtasidagi shunga oʻxshash vaziyatni keltirdi. Shu bilan birga Kellining fikricha, agar Janubiy Koreyada boʻlsa, Yaponiya yadroviy bomba yaratmaydi, biroq Xitoy va Shimoliy Koreya ham xuddi shunday javob qaytarishi mumkin.

Eslatib oʻtamiz, avvalroq Yaponiya mudofaa vaziri Yasukadzu Xamada 18-noyabr kuni Shimoliy Koreya tomonidan uchirilgan raketa AQSHga yetib kelgan boʻlishi mumkinligini aytgan edi. Uning tushuntirishicha, Shimoliy Koreya raketasining parvoz yoʻlini tahlil qilish asosida uning parvoz masofasi 15 ming kilometrdan oshishi mumkin degan xulosaga kelish mumkin.