Illyustrativ foto

Amerika Qoʻshma Shtatlari Yaqin Sharqdagi siyosatini oʻzgartiradi. Bu haqda Pentagon rahbarining strategiya, rejalashtirish va harbiy salohiyat boʻyicha yordamchisi Mara Karlin aytib oʻtdi.

“Karlinning aytishicha, AQSHning Yaqin Sharqqa munosabatida paradigma oʻzgardi. Bu yerda gap koʻpincha bir tomonlama harbiy yondashuv orqali mintaqani oʻzgartirish boʻyicha real boʻlmagan maqsadlardan voz kechish haqida ketmoqda”, deyiladi manbada.

Taʼkidlanishicha, Vashington mintaqada aniq maqsadlar qoʻygan ittifoqlar qurish va qurol sotishga oʻtadi. Yaqin Sharqdagi hamkorlar AQSH va uning ittifoqchilaridan qurol tizimlarini sotib olishlari kerak, aks holda Amerika tomoni mintaqada samarali faoliyat yurita olmaydi.

Uning soʻzlariga koʻra, turli manbalardan mudofaa xaridlarini amalga oshirish, jangovar samaradorlikka erishishga toʻsqinlik qilsa va qurolni saqlashni qiyinlashtirsa ham bu AQSHning baʼzi mintaqaviy hamkorlari uchun uzoq vaqtdan beri mavjud xususiyatdir.